التسريحة المناسبة لشكل وجهك

الوجه البيضاوي :- 

وبتعرفيه ازاي بتعرفيه عن طريق ان المسافة من العين للدقن هي هي المسافة من العين للجبين 

طيب ايه بقى التسريحات المناسبة للشكل ده؟

ابعدي عن تقصير شعرك كتير أو تطويله  كتير القصر هيكشف طول وشك والطول لو كله طول واحد برضه هيبين ان وشك طويل طب تعملي ايه؟

تخلي شعرك متدرج أو Degrade 


الوجه المربع :-

هو الشكل اللي فيه بيكون عرض الجبين من عند اقصى نقطة مفيهاش شعر في الناحيتين اللي فوق من جبينك بيكون مساوي لعرض عظام الدقن عن اعرض نقطة ليهم اللي في الغالب بتكون تحت الودن بحاجة بسيطة

هنا بقى عالأقل تخلي شعرك للكتف أو أطول كمان ولو عايزة تربطي شعرك يبقى نزلي خصلة او اتنين قدام


الوجه الطويل :-

هتقفي قدام المراية وتقيسي طول وشك من الجبين من اقصى نقطة فوق على خط المناخير لحد الدقن تحت لازم يطلع طولها اطول مرتين من طول عرض الوش من عند عضم الخدين كده

القصة برضه هتسخدمي القصة المتدرجة أو الديجراديه من عالاقل تحت الدقن وممكن تعملي قصة 

وملاحظة كمان حاولي تبعدي شعرك عن وشك


الوجه المدور :-

هيكون عندك طول الوش قد العرض ومبروك اي قصة هتنفع عليكي بس حاولي وانتي بتسرحي تنزلي شعر من الناحيتين على وشك عشان يكسر التدويرة 


الوجه اللي شبه القلب :- 

لو رفعتي شعرك هتلاقي ان عند الجبين فيه عضمتين والوش لو كملتي مع خط شعرك لحد تحت هتلاقيه بيوسع بعدها بيضيق تاني

ودي كل قصات الشعر بتنفعله لانه من اسهل الانواع اللي بيليق عليها حاجة 

اذا معرفتيش نوع وشك اعمليلنا كومنت وانا هرد عليكي ^_^

Comments