Posts

رفع الصدر وشده من غير بوش أب !

ترهل الصدر مشكلة كبييييرة بتقابل الستات بالذات مع التقدم في السن وساعات كمان بتحصل للشابات  متقلقيش هي حاجة سهل تتعالج بطرق منزلية بسييييطة جدااا  بس نتايجها هتاخد شوية وقت فالصبررررررر هقولكوا يا بنات النهاردة 3 طرق اكيدة ترفعوا بيها الصدر المترهل وتشدوه لفوق كده من غير بوش أب وكله طبيعي وفي طبيعي  😉 أول طريقة التمارين الرياضية  تمارين زي الضغط او تمارين السحب اللي بتعمليها وضهرك مفرود دي بتساهم جدااا في شد الصدر ورفعه لفوق  ومتخافيش مش هيطلعلك عضلات زي الرجالة لأن الست معندهاش الهرمونات اللي تطلعلها عضلات زي الرجالة فمتقلقيش تاني طريقة زيت الزتون تدليك الصدر بزيت الزتون بيساهم جدا في رفعه وشده لفوق   ازاي تدلكي  اول حاجة افركي ايدك بزيت الزتون  دلكي لفوق كده بشكل دائري ولفوق في نفس الوقت لمدة 15 دقيقة  اعملي ده 5 او 4 مرات في الاسبوع  تالت طريقة التدليك بالتلج  التلج هاتي منه قطعتين قطعة لكل واحدة دلكي بيه بشكل دائري لمدة دقيقة وبلاش اكتر من دقيقة عشان صدرك مينملش...

أفضل رياضة للسيدات بالمنزل دون منافس

طيب يا ست الكل عشان نفهم على أساس إيه بنحتار الرياضات اللي نلعبها وايه بيكبر العضلات   العضلات بتكبر على اساس وجود حمل عليها والدهون بتنزل عن طريق تقليل السعرات الحرارية اللي شرحتها في بلوجين قبل كده  طبعا مش معنى انك هتلعبي رياضة انك هيطلعلك عضلات زي الرجالة   مستحيل ده يحصل مهما تقلتي اوزان لان الست معندهاش الهرمونات اللي بتطلع عضلات زي الراجل فاتمرني ومتقلقيش جسمك هيكون احسن وسطك هيكون اضيق وهتبقي جذابة جدا وكده  😉 طيب ايه هي أحسن رياضة للستات أحسن رياضة للستات هي بدون منازع :- اليوجا هتقوليلي ايه هي اليوجا دي هقولك هي عبارة عن سترتشات وبتبدأ من مستويات المبتدئين للمحترفين تلاقيها ازاي ممكن تكتبي في يوتيوب يوجا بالعربي او الانجليزي yoga  وطبعا اكتبي تمرينات يوجا للمبتدئين او ترجميها للانجليزي yoga for beginners والتمرينات دي مش بس بتقوي الجسم ولكن كمان بتساعد جدا عالاسترخاء   متنسيش تبعتي البلوج لصحابك وتبدئي طبعا تتمرني متقريش بس  😂 دمتم جميلات ^_^

متاكليش الحاجات دي وهتخسي لوحدك !

ممنوعات الدايت أو حتى لو مفيش دايت ابعدي عن الحاجات دي !! أولا المقليات أي حاجة مقلية في الزيوت بيكون فيها سعرات كتير وبتدي للجسم دهون ضارة بتخلي شكل الجسم وحش جدا ثانيا السكر السكر في البيبسي والللي بيتحط عالشاي والقهوة وغيره خطر جدا جدا لأنه بيغذي الخلايا السرطانية وممكن نبدله بعسل النحل ثالثا الدقيق الأبيض  مش بس عشان بيتخن ولكن اضراره عالشرايين و القلب كبيرة جدا  رابعا قلة تناول الخضراوات ودي بقى مشكلتها مشكلة أولا بشرتك صحتها هتقل وشعرك هيقل الغذا اللي بيوصله خامسا عدم لعب الرياضة حتى لو نص ساعة مشي في اليوم أهميتها أكتر ما تتخيلي بتأخر الشيخوخة وتمنع امراض القلب والشرايين سادسا السمنة والزيوت المهدرجة من أخطر عالحاجات اللي بتضعف الصحة سابعا عدم تنازل كمية البروتين المناسبة وهي 1.6 جرام بروتين لكل كيلو جرام من جسمك ولو كتبتي عدد البروتين الموجود في كذا هتلاقيه في جوجل لو عايزة تعرفي ولو عايزة تريحي نفسك انا كنت منزلة نظام عذائي في البلوج اللي قبل دي متكامل ثامنا متاكليش فوق السعرات الحرارية اللي مح...

نظام غذائي يجعل جسمك كالممثلات بدون حرمان.

كلنا عارفين فوايد النظام الغذائي للشعر والجسم والبشرة وعشان كده النهاردة جبتكلوا نظام غذائي فوق الممتاز النظام ده لو مشيتي عليه بحذافيره هيبقى جسمك زي الممثلات بظبط  زي ما وعدتكوا امبارح النظام ده رهييييييييييب ومجرب الافطار بيضتين مقليين في معلقة زيت زتون معلقة عسل اربع معالق شوفان كوباية لبن منزوع الدسم ربع رغيف عيش بلدي الغداء شوية خضار أو سلطة متقطعين بدون أي زيت ربع فرخة يفضل يكون صدر 200 جرام رز معمولين سلق بس العشاء ربع رغيف عيش 100 جرام جبنة قريش طماطمايتين او خيارتين او واحدة وواحدة كلمة معلقة في كل الوجبات هي المعلقة بتاعت الاكل الكبيرة مش بتاعت الشاي وبكرة هنزلكوا ممنوعات الدايت وازاي تقيسوا كميات الأكل ابعتوا النظام ده لصاحبتكوا ومتاخدوش المعلومة لنفسكوا بلاش ندالة  😜 دمتم جميلات ^_^

أهم نصيحة للحفاظ عالشعر !!!

أهم نصيحة ومش هتسمعيها عند ناس كتير للأسف هقولك هنا بقى ازاي تهتمي بشعرك بأسهل الوسايل الممكنة أولا أولا أولا وأهم حاااااجة النظام الغذائي المتوازن ثم النظام الغذائي المتوازن ثم النظام الغذائي المتوازن وهنزلكوا بكرة مثال لنظام قوي جدا لازم تاكلي بروتين كويس و دهون مفيدة كويس زي اللي في الفول السوداني ونشويات غير ضارة عشان شعرك يفضل متغذي لازم الشعر كل فترة تقصي اطرافه مكملات وحبوب الشعر مفيدة زي الاوميجا ثري والبانتوجار وطبعا استشيري طبيب قبل ما تاخديهم ابعدي شعرك عن الحرارة العالية زي السشوار السيرام و الزيوت الطبيعية للشعر الجاف مفيدة جدا وهبقى انزل بلوج عن كيفية استخدامهم متسرحيش شعرك بعنف بعد الشاور ويستحسن دايما التسريح بمشط واسع والأهم من كل ده تبعدي عن النكد والضغط النفسي ولو انه صعب على حبايبنا المتجوزين  😜 دمتم جميلات ^_^

إزالة الشعر الكثيف في المناطق الحساسة بدون ألم !!

زي ما قولتلكوا امبارح عن ازاي تشيلي الشعر الخفيف النهاردة هكلمكوا عن ازاي تشيلي الشعر الكثيف اللي في المناطق الحساسة كلنا عندنا مشكلة شعر العانة وغيرها من المشاكل العنيدة  وازالتها بالطرق التقليدية مؤلم جدا فالنهاردة جبتلكوا طريقة حلوة  المكونات قرنفل مطحون عشان يشتغل كمخدر ويخليكي متحسيش بالألم  زيت الزتون البكر  الطريقة حطي معلقة القرنفل المطحوون في سلطانية مع معلقتين كبار زيت زتون حطيهم على حمام بخار وقلبي لمدة نص ساعة في حلة استانلس بعد التقليب حطي الزيت مع القرنفل في ازازة غامقة وسيبيهم في مكان ناشف لمدة يوم كااامل وترجي الازازة كل ساعة  بعد اليوم ما يخلص دلكي المنطقة بشوية من الزيت اللي لسه عاملينه  ويا ريت يكون دافي شوية استني 10 دقايق وشيلي الشعر ومتحطيش كتير كفاية كام نقطة دمتم جميلات ^_^

ازالة شعر الجسد نهائيا بالكركم وبدون ألم !!

كلنا بنواجه مشكلة شعر الجسد ومبنبقاش عارفين نتخلص منه ازاي بسبب الألم اللي بيسببه الطرق التقليدية عشان كده جبتلك النهاردة وصفة سحر لازالة شعر الجسد بالكركم وبس المكونات  كركم ماء أو ماء ورد أو لبن أيا كان ايه متوفر عندك فيهم الطريقة اخلطي الكركم بالماء لحد ما يعملوا زي معجون حطيه على البشرة افرديه عالمنطقة اللي عايزة تشيلي منها الشعر سيبيه لمدة من 20 ل 30 دقيقة لحد ما ينشف اغسليه بماء دافي كرريه لمدة كذا يوم لحد ما الشعر يتشال خالص لأنه مش هيشيله كله من أول مرة ملحوظة  الطريقة دي تنفع للشعر الرفيع اللي زي شعر الايد وشعر الوجه اما للشعر السميك الكتير ههنزلكوا طريقة تانية بكرة دمتم جميلات ^_^